Chè zanmi,
Sezon Taks 2011 sou Kay fini men biwo mwen pa ralanti nan travay li.
Mwa me kòmanse sezon Taks ki anreta. Avi piblik sou taks ki anreta ap nan reklam pou twa semèn swivi anvan lavant sètifika taks nan mwa jen. Taks sou byen tanjib ki anreta ap nan reklam yon semèn anvan piblikasyon yon manda. Kontribiyab yo gen jouk 31 me pou pote taks yo dwe ki anreta. Nou aksepte peman yo an lajan kach, trèt bankè, chèk sètifye, chèk postal, chèk labank, oswa transfè bankè nan lajan ameriken sèlman. Nou pa aksepte chèk pèsonèl.
Taks 2011 sou Kay ki pa peye anvan 31 me 2012 prale nan Lavant Sètifika Taks 7 jen. Lwa Florida egzije Pèseptè Taks yo pou fè lavant sètifika taks pou touche taks sou pwopriyete ki pa peye nan ane anvan. Sètifika taks yo se yon privilèj sou taks sou byen imobilye ki anreta, epi yo espire setan ki vini apre dat ki sou yo.
Mwen gen bon nouvèl pou bay:
- Anplwaye nou yo te bay plis pase $11,000 pou Lord's Place kòm yon pati 2011Friday Dress Down for Charity. Se twazyèm ane nou sipòte Lord's Place kòm pati don charite abiman dekontrakte semèn nou. Lord's Place bay djòb, fòmasyon, ak yon kote pou viv pou sanzabri Konte Palm Beanch yo.
- Biwo mwen te jwenn yon akò pou $42,176.63 avèk Circuit City. Konpayi an te deklare fayit nan mwa novanm 2008. Akò a se rezilta batay dezan pou touche taks ki te anreta. Lajan sa a ap ede finanse ajan lapolis yo, ponpye yo, ak lòt sèvis enpòtan pou sitwayen konte a.
- Chanm Komès Fanm yo te chwazi mwen pou pou Rekonpans 2012 Giraffe yo. Yo akòde onè sa a pou fanm ki make yon diferans nan espas travay ak nan kominote a avèk pwojè, devouman, pèseverans, ak risk li pran. Rekonpans Giraffe ale pou fanm ki "pare pou patisipe." Lòt moun ki jwenn onè a ak mwen se otè entènasyonal Marilyn Murray Willison.
Èske ou te enskri non ou pou Plan Peman an Vèsman nan dat 30 avril? Si w te fè sa, chèche Avi Vèsman Jen ou mwa pwochen. Si ou pa resevwa bòdwo anvan 2yèm semèn nan mwa jen, tanpri kontakte biwo nou pou yon kopi bòdwo a. Ou enskri ofisyèlman nan Plan Peman an Vèsman lè nou resevwa premye peman an vèsman an nan dat 30 jen. Ou ka peye anliy, anpèsòn, oswa pa lapòs.
Si w gen kesyon konsènan taks anreta sou pwopriyete, lavant sètifika taks, oswa Vèsman ou an jen, tanpri kontakte Avoka Kliyan nou nan ClientAdvocate@taxcollectorpbc.com.
Pati mwen pi renmen nan me sèke nou onore manman yo, tant yo, grann yo, ak lòt fanm fò ki jwe wòl modèl. Mwen swete ou ak manman ou Bòn Fèt Manman.
Avèk senserite,
Anne M. Gannon
Pèseptè Taks Konstitisyonèl
